Sääʹmsooǥǥ laull

Sámi soga lávlla.

Sääʹmsooǥǥ laull (pohjoissaameksi Sámi soga lávlla) on saamelaisten kansallislaulu, jonka on sanoittanut Isak Saba. Anni Feodoroff on kääntänyt laulun tekstin koltansaameksi.

1.

Kuʹǩǩen tâʹvven Juuʹse vueʹlnn,

Sääʹm čiõkk, Sääʹmjânnam.

Tuõddâr kuâsttai tuõddâr tueʹǩǩen,

jääuʹr špelkka jääuʹr veâlgga.

Ceägg tuõddâr čokk laaǥǥ,

pajjnaʹdde ââʹlm vuâstta.

Šuâlee jooǥǥ, šuuvee väär,

ceägg njaarǥ ruʹvddrââʹdd

cäkkâʹtte šuârm miâr vuâstta.

2.

Vaččai tääiʹb lie täʹlvv fiõlli,

piõgg da porgg lie meäʹrteʹmes.

Sääʹm sokk siõlin miõlin

tõndiõtt väimstes rääʹǩǩast jânnmes.

Joođjid, määtklaid mään čuâvad,

tâʹvven pueʹlle kuuskõõzz ââʹlmest.

Ruåčkâs, ruõvggâs rååđain kollai,

groom teâudd jääuʹrid, jieʹğğid.

Čeʹrres kuâlkkân täʹlvvǩeäiʹn mieʹldd.

3.

Na ǥo ǩieʹss peeivaž kållad,

mieʹccid, miârid, jäuʹrr’reeddaid,

kåʹllǩimaldõõzzâst kueʹllšiiʹlli

soʹǩǩe miârin, soʹǩǩe jääuʹrin.

Koʹllen čueʹvve čääʹcclåådda,

silbbân čueʹvve Sääʹmveerd,

čuâlmma čuâlmain, leädggad ääirain,

soʹǩǩe, lueʹštte oumma lääuʹleeʹl

kuõškid, ǩeâuŋsid, sâvvnid.

4.

Sääʹmjânnam sokk’kåʹdd

tät lij ǩeârddam koddjireeisaid,

koʹddičuuđid, kårrkaauʹpid,

smuuđ veäʹreld piiđvaʹlddjid.

Tiõrv Tuʹnne, siʹtǩǩes sokk

tiõrv, rääʹǩǩes rääuh maadd!

Jeäla tuäraid tuärrvuättam,

jeäla viilljeez võõr vuârdtama

saaʹmi sijvâs sooǥǥ seʹst.

5.

Maaddârääʹjj meeʹst lie tuuʹl

vuäittam veäʹreld tueʹjjeei pâʹjjel.

Vuâsttlâʹsttep viillj, mij še,

sitkkâdvuõđin suäʹrddeejeem!

Sokk rääʹves Peiʹvvpäärnai

ij tuu vueiʹt vâjjlažžad

jõs veâl määttak kåʹllǩiõlad,

mooštak maaddâr maddji saaʹnid:

Sääʹmjânnam saaʹmi lij!